Is cuid tábhachtach é Aire Tréadach agus tacaíocht do dhaltaí i  saol na scoile i Meánscoil Gharman. Leathnaíonn ár gClár Aire Tréadaigh amach go gach gné de shaol na scoile agus tugann foireann na scoile gréasán de thacaíocht bunnaithe ar mheas agus mhuinín. Athraíonn riachtanais na ndaltaí ó bhliain go bliain agus déantar athbhreithniú ar na riachtanais sin go rialta ag freagairt do na riachtanais atá de shíor ag athrú.

Oibríonn an coiste in éineacht le tuistí agus daltaí  chun an duine óg féinmhuiníneach athléimneach a fhorbairt.  Tá sé mar aidhm ag an gCoiste Aire Tréadaigh agus múinteoirí ranga go mbeadh daltaí ag foghlaim i dtimpeallacht compórdach, sabháilte agus slán. Ar scoil tá Comhairle na nDaltaí eagraithe againn ina bhfuil beirt ó ghach bhlian tofa ag an gcuid eile den rang le bheith mar ionadaí an rang sin ar an gComhairle.

Ag an gComhairle seo labhraítear go hoscailte faoi fadhbanna scoile atá ag na daltaí agus tagtar ar réiteach do na fadhbanna sin le chéile. Ansin, labhraíonn na hionadaí leis na múinteoirí maidir leis an bhfadhb agus faoi na bealaí chun an réiteach a chuir i bhfeidhm. Má tá fadhb ag dalta éigin sa rang, is féidir leo teacht chuig an ionadaí ranga leis an bhfadhb agus déanfaidh an dalta sin a dícheall an fhadhb a réiteach ag an gcéad cruinniú eile atá ag Comhairle na nDaltaí.

Muna bhfuil dalta sásta chun dul chuig an ionadaí ranga, is féidir leo dul chuig múinteoir chun go dtógfaidh an múinteoir an fhadhb chuig an gComhairle. Tacaíocht eile atá ar fáil ná gur féidir leis na daltaí i gcónaí dul chuig na Múinteoirí le fadhb scoile ar bith agus déanfaidh an múinteoir sin a ndícheall an dalta a chabhrú sa treo is fearr don dalta.